Krishna Karkusha

पंचपरगनिया मसीही गीत-11 गीतकार आर रसिक: स्व. जगरनाथ कच्छप   धुवा- जय-जय बोलो रे, यीशु केर जय जय बोल १.        मानुस जनम पाली, ईश्वर के बीसइर देली-2 सेकारने जीबन नाइखे थोल-2 रे भाई २.        दुई दिनेक जिनगाही, ईश्वर के इसमरण करी-2 नाचा गावा बाजावा ढोल-2 रे भाई ३.        आवा सभे भाई बहिन, बिसवास करी यीशु ठीन-2 मानुस जीबन आहे अनमोल-2 रे भाई    

पंचपरगनिया मसीही गीत-10 गीतकार आर रसिक: कृष्णा कारकुशा रंग- कोतिक सुंदर सृष्टी प्रभु, ऐहे पांच परगना के देले, ओ...प्रभु ईसुक सृष्टी सुंदर, सेहे हिंया आहे रंग बिरंग, १.       झारना बहे पांच परगनाय-2   दसम , हिरनी , गौतम-धारा, २.       माटी सुंदर पांच परगनाय, सोना उगे सउब जागाय-2 ३.       बिहान बेराय खेते गोठे-2 लागलयं सृष्टी के साजाय ४.       तामाड़ बुंडू गेले मानवा, नाइ पाले मनेक सांति, प्रभु ईसु सांति दाता, आवा हांकाते सउब समये

पंचपरगनिया मसीही गीत-09 गीतकार आर रसिक: कार्तिक लोहरा   रंग- ईसु जे पीरीती मोर सोभे जागाय रहे संग १.       संगे संगे हिरदय माझे रहे-२ लागे..रे , रीझे रंगे लागे २.       संगे संगे परिबारे रहे-२ परेु..रे , परिबारेक सभे जिनिनस पुरे ३.       संगे संगे खेते गोठे रहे-२ देवे..रे , सभे कामे आसीस देवे

पंचपरगनिया मसीही गीत-08 गीतकार आर रसिक: कार्तिक लोहरा  रंग-परभू ईसु मोके छोड़बे ना, तोर संगे जामु परभू मोके छोड़बे ना १.       परभू ईसुक काथा गिला, मोके लागे बहुत मीठा हे (धुवा) २.       आघु-आघु परभू इसु, ताकोर पेछु समन पतरस हे (धुवा) ३.       परम पिता परमेसर के, काहां पामु सिरीसटी दाता के, काहां पामु ईसु राजा के (धुवा) ४.       कार्तिक पापी कहे, मुक्ति दाता ओहे हेके,        हिरदय मांझे आहे तोबे (धुवा)

पंचपरगनिया मसीही गीत-07 गीतकार आर रसिक: कार्तिक लोहरा   धुवा - मानवा लागिन ईसु लहू के बहालक-2 १.       मानवा केर पाप लागिन , कुरुस मेहेन चढ़ोलक-2 (धुवा) २.       रोग दुख चांगाई खातिर, कोड़ा मेहेन मांइर खालोक-2 (धुवा) ३.       आपन जीव टाके छोइड़ कन, परेक जीव के बांचाकल-2 (धुवा) ४.       कार्तिक बिसवासी कहे , आवा भाई बहिन सभे-2 (धुवा)

पंचपरगनिया मसीही गीत-06 गीतकार आर रसिक: कार्तिक लोहरा  धुवा- ऐ भाई मन फीरावा , आवा प्रभु केर गुणगान करा १.       परम पिता परमेसर सृष्टिकर्ता विधाता, ताकोर बेटा हेके ईसु सउब केर उधारकरता २.       संगे आहे निति-नियम , बाइबल केर बचन, तार संगे आहे मन केर बिसवास भाई ३.       धन समपती आहे , परभू केरो महिमाय, आरो आहे चांगाई , आरो आहे सरगो भाई ४.       कार्तिक बिसवासी कहे , संगती मेहेन आवा सभे,         ईसु मेहेन मुक्ति मिली , मसीह मेहेन सांति भाई  

पंचपरगनिया मसीही गीत-05 गीतकार आर रसिक: कार्तिक लोहरा धुवा- ऐ भाई मोरो लागिन-2 १.       कुरूस केर बेथा मोके,  सोहाले ना जाए गो मोरो लागिन,  कांटा लागी गेलक मुड़े गो २.       गोलगोता पाहाड़े,  जीऊक बुरा हाल गो मोरो लागिन,  लहुये होलक लुगा लाल गो ३.       क्रूस केर बेदी मेहेन,  चुकाले तोयं यीशु दाम मोरो लागिन,  होय गेलक बलिदान भाई ४.       विश्वासी कार्तिक कोहे,  सुना सोभे मानवा आपन लागिन,  यीशु देलक आपन प्राण रे सोभेक लागिन

पंचपरगनिया मसीही गीत-04 गीतकार आर रसिक: कार्तिक लोहरा धुवा- तोयं मोरो आच्छा चारवाहा रे-2 १.       जीबन केर डहरे, तोयं मोरो आगुवा रे २.       तोरो बिना आहे प्रभु, जीबन मोर अधुरा रे ३.       तोरो बिना मोके प्रभु, सुना सुना लागे रे ४.       बिश्वासी मानवा कोहे जीबने मोर अशांति रे